Мадриднинг “Реал” клуби марказий ҳимоячиси Давид Алабага ҳамон Саудия Арабистонидан таклиф бор. Relevo нашри хабарига кўра, маҳаллий клублардан бири тажрибали австрияликни ўз сафига қўшиб олмоқчи.

Шу билан бирга, манбанинг хабар беришича, Алаба ҳозирда "Реал"да қолмоқчи. 31 ёшли марказий ҳимоячининг "қироллик клуби" билан шартномаси 2026 йилнинг ёзига қадар тузилган. Давид 2022 йилда "Бавария"дан эркин агент сифатида Карло Анчелотти жамоасига қўшилган эди.

Жорий мавсумда Алаба Испания чемпионатининг 13та учрашувида 1та голли узатмани амалга оширди.