Мадриднинг "Атлетико" клуби ҳужумчиси Антуан Гризманн фаолиятининг охиригача "матрасчилар" сафида қолиш истагини билдирди. Бироқ франциялик футболчи ўзининг сўнгги йилларини бошқа қитъада ўтказмоқчи.
"Мен "Атлетико" Европадаги сўнгги клубим бўлишини истайман. Шунда мен бошқа қитъада футболдан роҳатланишни истардим. "Атлетико"да қолишни хоҳлайман. Мен жамоага керакли даражадаман. Кўрамиз, менга имкон беришадими? "Атлетико Мадрид"да жуда кўп яхши ўйинчилар бор", - деди Гризманн NT Sports Brazil билан суҳбатда.
32 ёшли Гризманн жорий мавсум Испания чемпионатида 9 та гол урди ва 2 та голли узатмани амалга оширди.
