Чемпионлар лигаси гуруҳ босқичининг 6-тури доирасидаги ўйинда «Милан» сафарда Англиянинг «Ньюкасл» клубини 2:1 ҳисобида таслим этди.

Ҳисоб юқорироқ бўлиши мумкин эди, лекин Леау яққол гол уриш имкониятидан фойдалана олмади, дарвозабон билан яккама-якка чиқиб, дарвоза устунига зарба берди. Италия клуби ҳимоячиси Алессандро Флоренци унинг хатоси учун Леауни қоралади.

«У биз учун қанчалик муҳим эканини ҳаммамиз биламиз, аммо бугун у икки марта гол уриб, учрашувни якунлаши керак эди.

Унга ўхшаган футболчи бундай вазиятларда хатога йўл қўймаслиги керак», - дея Флоренцининг сўзларини келтиради pianetamilan.it.