«Манчестер Юнайтед» ҳужумчиси Жейдон Санчонинг трансферига Дортмунднинг «Боруссия»си ва «РБ Лейпциг» клублари қизиқиш билдиришди.
The Sun хабарига кўра, иккала клуб ҳам англиялик футболчини ижарага олмоқчи бўлган, бироқ 400 минг евролик маош немисларни чўчитиб юборган.
«Манчестер Юнайтед» Санчодан қутулмоқчи, аммо клуб жуда кам одам Жейдонни бундай маош билан ижарага олишга рози бўлишини тушунади.
Англиялик футболчини кимдир ижарага олиши учун «манкунианликлар» футболчининг маошининг камида ярмини қоплашга рози бўлишлари керак.
Эслатиб ўтамиз, 23 ёшли Санчога аввалроқ Туриннинг «Ювентус» клуби ҳам қизиқиш билдираётган эди.
