Луис Энрике ўз ёрдамчиси орқали "ПСЖ" футболчиларини кузатиб боради.
L'Equipe нашрига таяниб хабар беришича, Франция пойтахти жамоаси бош мураббийи тартиб-интизом масалаларига жуда эътиборли. Шундай қилиб, мавсум бошида у ходимларидан бирига маҳаллий тунги клубларга ташриф буюришни ва футболчиларнинг ўзидан яширинча зиёфатларга келиш-келмаслигини кузатишни буюрди.
Энрикенинг ижтимоий тармоқлардаги ёрдамчиси ҳам ўйинчиларнинг саҳифаларини текшириб, уларнинг яқинлари уларга ёмон таъсир ўтказмаслигига ишонч ҳосил қилади.
Испаниялик мураббий машғулот базасида жамоани мажбурий рўйхатдан ўтказиш тизимини жорий қилди. Шу тарзда белгиланган жадвалга риоя этилиши назорат қилинади.
