Лионель Мессининг футболкалар коллекцияси аукционда сотилди.

Эслатиб ўтамиз, ноябрь ойида Нью-Йоркдаги Sotheby's аукционида Аргентина терма жамоаси ҳужумчиси ЖЧ-2022 да ўйнаган 6 та футболка аукционга қўйилган эди. Тўпламда Мессининг гуруҳ босқичидаги икк, 1/8 финал, чорак финал, ярим финал ва финалнинг биринчи ярмидан олинган футболкалари жой олган.

Савдолар пайшанба куни ёпилди ва 7 803 000 долларни ташкил этди. Қайд этилишича, у белгиланган муддат тугашига бир неча дақиқа қолганида амалга оширилган — бунгача аукционга атиги 6,5 миллион доллардан ошмайдиган учта ариза келиб тушган.

Мессининг футболкалари сотувидан тушган маблағнинг бир қисми хайрия ишларига йўналтирилиши хабар қилинганди.

Спорт билан боғлиқ энг қиммат буюм Майкл Жорданнинг 1998 йилги НБА финалидаги 1-ўйин формаси бўлиб қолмоқда. У кимошди савдосида 8,1 миллион фунт стерлингга сотилди.