"Ливерпуль" бош мураббийи Юрген Клопп Европа лигаси гуруҳ босқичининг 6-тури доирасидаги "Юнион"дан учралган мағлубият (1:2) ҳақида фикр билдирди.
"Юнион"нинг ҳақли ғалабаси. Ўйлашимча, мен таркибда жуда кўп ўзгаришлар қилдим ва шунинг учун "Ливерпуль" ўз ритмини топа олмади.
Ўтказиб юборган голларимиз кераксиз эди. Охирги дақиқаларда балки уч марта ҳисобни тенглаштиришимиз мумкин эди.
Ўйлайманки, биз ҳаммамиз бир хил ўйинни томоша қилдик, шунинг учун биз учун "Юнион" ғалабаси ҳақли бўлди. Биринчи гол ўйиндан ташқари ҳолатда бўлиши мумкинлигини ҳозир эшитган бўлсам-да, ҳеч ким юз фоиз айта олмайди. Кўрамиз, лекин нима фарқи бор?" – деди Клопп.
Гуруҳ босқичи якунларига кўра, "Ливерпуль" Европа лигасининг 1/8 финалига, "Юнион" эса Конференциялар лигасининг 1/16 плей-офф босқичига йўл олди.