"Барселона" "Ривер Плейт"нинг 17 ёшли ярим ҳимоячиси Клаудио Эчеверри билан шартнома имзолаш бўйича музокараларни бошлади, деб хабар беради Som|Serem FCB нашри.
Манбага кўра, Каталония клуби шартномани бекор қилиш бандида кўрсатилган суммани - 25 миллион евро тўлашга тайёр, лекин бўлиб-бўлиб тўламоқчи.
Эчеверри "Ривер Плейт" тарбияланувчиси ва академиядан асосий жамоагача бўлган йўлни босиб ўтган. Футболчининг клуб билан шартномаси 2024 йилнинг декабригача мўлжалланган. Transfermarkt портали 17 ёшли аргентиналик футболчини 4 миллион еврога баҳоламоқда.
Жорий мавсумда Эчеверри 5 та ўйин ўтказиб, 1 та голли узатмани амалга оширди.
"Барселона"да ҳозирда 6 нафар ярим ҳимоячи бор: Гави, Педри, Де Йонг, Гюндоган, Сержи Роберто ва Ромеу Ориол.
