Франциянинг "ПСЖ" клуби бошқарувчиси Луис Энрике ўз футболчиларини кузатишни ташкил қилди, деб хабар беради AS нашри.
Журналистларга маълум бўлишича, испаниялик мутахассис ўз ёрдамчисини футболчиларнинг ушбу муассасаларга ташриф буюрган-буюрмаганини аниқлаш учун тунги клубларга рейдга жўнатган. Шунингдек, Луис футболчиларга интернет орқали салбий таъсир ўтказмасликлари учун ўйинчиларнинг ижтимоий тармоқларидаги маълумотларни кузатишни топширди.
Интизом испаниялик мураббий ишидаги асосий тамойиллардан бири ҳисобланади.
Охирги ўйинда "ПСЖ" сафарда "Боруссия Дортмунд" билан куч синашди. Учрашув 1:1 ҳисобида дуранг билан якунланди.