Бразилия терма жамоаси ва "Манчестер Юнайтед"нинг ҳимоячи ярим ҳимоячиси Каземиро январь ойидаги трансфер ойнасида клубини ўзгартириши мумкин.

Ижтимоий тармоқларда инсайдер Экрем Конурнинг ёзишича, футболчининг трансферига Саудия Арабистонининг "Ан-Наср" клуби қизиқмоқда. Эслатиб ўтамиз, бу клуб шарафини португалиялик ҳужумчи Криштиану Роналду ва сенегаллик футболчи Садио Мане ҳимоя қилади.

Каземиро 2022 йилнинг ёзида "Реал"дан "Манчестер Юнайтед"га ўтган эди. 31 ёшли ярим ҳимоячининг амалдаги шартномаси 2025/2026 йилги мавсум якунига қадар мўлжалланган. Transfermarkt портали бразилияликнинг нархи 40 миллион еврога баҳоламоқда.