Каталониянинг "Барселона" клуби ярим ҳимоячиси Френки де Йонг "кўк-анорранглилар" сафидаги келажагига ишончи комил эмас. Бу ҳақда Todofichajes портали хабар бермоқда.

Нидерландиялик футболчида фаолиятини Англия Премьер-лигасида давом эттириш имкониятлари бор. Лондоннинг “Арсенал”, “Манчестер Юнайтед” ва Бирмингемнинг “Астон Вилла” клублари ярим ҳимоячини ўз сафига қўшиб олмоқчи.

Де Йонг 2019 йилнинг ёзидан буён "Барселона"да ўйнамоқда. Томонлар ўртасидаги амалдаги шартнома 2026 йилда якунига етади. Transfermarkt портали нидерландиялик футболчининг нархини 90 миллион еврога баҳоламоқда.