Мадриднинг “Реал” клуби ярим ҳимоячиси Аурелиен Тчуамени Испания чемпионати доирасида “Вильярреал”га қарши ўйинда жамоасига ёрдам бериши мумкин.
Эслатиб ўтамиз, ноябрь ойи бошида 23 ёшли футболчи жароҳат олиб, “Қироллик клуби” сафида майдонга тушмаётган эди.
Журналист Карлос Родригес хабарига кўра, Тчуамени бўлажак ўйин учун "Реал Мадрид" жамоаси қайдномасига киритилади.
Жорий мавсумда франциялик футболчи барча турнирларни ҳисобга олган ҳолда 14та учрашувда қатнашиб, битта гол урди.
"Реал" ва "Вильярреал" ўртасидаги Ла Лиганинг 17-тур учрашуви 17 декабрь, якшанба куни бўлиб ўтади.
