Саудиянинг "Ал-Ҳилол" клуби "Манчестер Юнайтед" ярим ҳимоячиси Каземирога йилига тахминан 20 миллион евро маош таклиф қилмоқчи. Бу ҳақда Sports Zone нашри хабар бермоқда.
Манбага кўра, футболчининг агентлари Саудия Арабистонидан тушадиган таклифларни кўриб чиқишга тайёр. Шунингдек, футболчига қизиқиш билдираётган "ПСЖ" ва Италиянинг номи ошкор этилмаган бир клуби таклиф билан аллақачон танишиб бўлгани хабар қилинган.
Эслатиб ўтамиз, 31 ёшли Каземиро 2022 йилнинг ёзида Transfermarkt портали маълумотларига кўра, 70 миллион евро эвазига “Реал Мадрид”дан “қизил иблислар”га ўтган эди. Жорий мавсумда у жамоа таркибида 12та ўйинда майдонга тушди. Тўртта гол урди ва битта голли узатмани амалга оширди.
