Саудия Арабистони чемпионатининг 17-туридан ўрин олган баҳсда “Ал-Ҳилол” ўз майдонида “Ал-Ваҳда”ни мағлуб этди – 2:0.
Мезбонлар сафида Сауд Абдулҳамид ва Александр Митрович гол уришди. “Ал-Ҳилол” ҳужумчиси Малком голли пас берди.
“Ал-Ҳилол” кетма-кет 10-ғалабасини қўлга киритди ва Саудия Арабистони чемпионатининг 2023/24 йилги мавсумидаги мағлубиятсиз сериясини 17 ўйинга етказди. Жорий мавсумда жамоа 15 учрашувда ғалаба қозонган ва икки бор дуранг ўйнаган.
Саудия Арабистони чемпионати турнир жадвалида “Ал-Ҳилол” 47 очко билан пешқадамлик қилмоқда.
