"Милан" январдаги трансфер ойнасида бирданига иккита марказий ҳимоячи учун пул тўлаши мумкин. Журналист Николо Шкира берган маълумотларга кўра, бу имконият раҳбариятда жиддий муҳокама қилинмоқда.

Эслатиб ўтамиз, кадрлар билан боғлиқ муаммолар туфайли “Милан” январь ойида камида битта марказий ҳимоячи сотиб олишга бел боғлаган эди, бироқ вазият раҳбариятни бу ўрин учун қўшимча футболчи сотиб олишга мажбур қилиши мумкин.

Аввалроқ “россонерилар”га “Челси” ҳимоячиси Трево Чалоба қизиқиш билдирганди. Шунингдек, Стефано Пиоли жамоаси "Арсенал" футболчиси Якуб Кивиорга қизиқиш билдирган, у аллақачон музокаралар учун Миланга учиб кетган.