"Мальорка"нинг қанот ҳимоячиси Пабло Маффео Испаниянинг бошқа клуби қизиқишлари доирасига тушиб қолди, деб хабар бермоқда Todofichajes нашри.

Манбага кўра, "Севилья" 26 ёшли футболчини ўз сафига қўшиб олмоқчи. Андалусияликлар футболчи учун аввалроқ Маффеога қизиқиш билдирган "Барселона" билан курашишга тайёр. Ҳимоячининг нархи саккиз миллион еврога баҳоланмоқда ва унинг "Мальорка" билан шартномаси 2026 йилнинг ёзига қадар амал қилади.

Испания чемпионатининг жорий мавсумида Пабло 13 та ўйин ўтказди. Ҳимоячи голли узатмани амалга оширди, битта сариқ карточка олди ва бир марта майдондан четлатилди.