"Жирона"да ижара асосида ўйнаётган "Манчестер Сити"нинг ўнг қанот ҳимоячиси Ян Коуто трансфери қандай бўлганини эслади.
“2020 йилда Бразилия ёшлар терма жамоаси таркибида жаҳон чемпиони бўлдим, шундан сўнг “Бавария”, “Манчестер Сити” ва “Барселона” клублари мени қўлга киритишга ҳаракат қилишди. “Барселона”га ўтишимга ишончим комил эди, лекин кейин Пеп (Гвардиола) менга қўнғироқ қилди ва бу ҳаммасини ўзгартирди”, деди 21 ёшли футболчи.
Ян Коуто чемпионат жадвалида пешқадамлик қилаётган “Жирона” сафида Ла Лиганинг 15 та учрашувида 1 та гол урди ва 4 та голли узатмани амалга оширди.
