Sofascore талқинига кўра, кечаги Англия Премьер-лигасининг 17-тури доирасидаги «Шеффилд Юнайтед»га қарши ўйинда ҳужумкор ярим ҳимоячи Михаил Мудрик Лондоннинг «Челси» жамоасининг энг ёмон футболчиси деб топилди.
Украиналик легионер 6,4 балл олди. Бу «аристократлар» орасидаги энг паст кўрсаткичдир. Коул Палмер «Челси»нинг энг яхши футболчиси деб тан олинди – 8,5. У охирги учрашувда гол урди ва голли узатмани амалга оширди.
Учрашув 2:0 ҳисобида лондонликларнинг ғалабаси билан якунланди. 17 турдан сўнг Маурисио Почеттино шогирдлари 22 очко жамғариб, турнир жадвалида ўнинчи поғонада бормоқда.
