«Ривер Плейт»нинг аргентиналик ҳужумкор ярим ҳимоячиси Клаудио Эчеверри Европанинг топ-клубига ўтиши мумкин.
Инсайдер Фабрицио Романонинг хабарига кўра, «Челси» ва «Манчестер Сити» 17 ёшли ярим ҳимоячининг трансфери борасида «Ривер Плейт» вакиллари билан боғланишган.
Қайд этилишича, «Барселона» ҳали ҳам Эчеверри билан шартнома имзолашдан манфаатдор, бироқ каталонияликлар молиявий фейр-плей туфайли шартномани якунлашда қийналади.
Манбага кўра, Эчеверрининг товон пули 25 миллион еврони ташкил қилади, аммо трансфер ойнасининг сўнгги кунларида у 30 миллионга кўтарилиши мумкин.
