«River Pleyt»ning argentinalik hujumkor yarim himoyachisi Klaudio Echeverri Yevropaning top-klubiga o‘tishi mumkin.

Insayder Fabrisio Romanoning xabariga ko‘ra, «Chelsi» va «Manchester Siti» 17 yoshli yarim himoyachining transferi borasida «River Pleyt» vakillari bilan bog‘lanishgan.

Qayd etilishicha, «Barselona» hali ham Echeverri bilan shartnoma imzolashdan manfaatdor, biroq kataloniyaliklar moliyaviy feyr-pley tufayli shartnomani yakunlashda qiynaladi.

Manbaga ko‘ra, Echeverrining tovon puli 25 million yevroni tashkil qiladi, ammo transfer oynasining so‘nggi kunlarida u 30 millionga ko‘tarilishi mumkin.