«Манчестер Юнайтед» дарвозабони Андре Онана жорий мавсумдаги ишончсиз ўйинлари борасидаги танқидларга жавоб берди.

«Охирги Чемпионлар лигасининг энг яхши дарвозабони олти ой ичида дунёнинг энг ёмон дарвозабони бўла олмайди. Биламан, мен учун ҳаммаси яхши бўлади, агар бугун содир бўлмаса, эртага ёки индинга содир бўлади», - дея Онананинг сўзларидан иқтибос келтиради Sky Sports.

Камерунлик футболчи фаолиятидаги энг яхши дамларни бошдан кечирмаётганини тан олди, шунинг учун у танқидлар билан муросага келиши керак.

Жорий мавсумда Онана барча турнирларни ҳисобга олган ҳолда 24 та ўйин ўтказиб, 39 та гол ўтказиб юборди ва етти марта ўз дарвозаси дахлсизлигини сақлаб қолишга муваффақ бўлди.