"ПСЖ" бош мураббийи Луис Энрике Франция чемпионатининг 16-туридан ўрин олган "Лилл"га қарши ўйин натижаси ҳақида фикр билдирди. Учрашув 1:1 ҳисобида дуранг билан якунланди. Парижликлар қўшиб берилган вақтда гол ўтказиб юборишди.
"Натижадан хафаман. Жамоа кучли рақибга қарши 80 дақиқа ажойиб ўйнади. Биз яхши ўйнадик, аммо якунда консентрацияни йўқотдик. Энди ҳаммасини тартибга солиш учун охирги дақиқаларни қайта кўришим керак. Бу жуда ёқимсиз", - деди Луис Энрике Footmercato билан суҳбатда.
Энрике шогирдлари 37 очко жамғариб, ҳалигача Лига 1 турнир жадвалида пешқадамлик қилмоқда. "Лилль" (28) тўртинчи ўринда.
