"Челси" ҳужумчиси Николас Жексон Англия Премьер-лигасидаги илк мавсуми ҳақидаги таассуротлари билан ўртоқлашди. Сенегаллик футболчи ёзда 38 миллион евро эвазига "Вильярреал"дан Маурисио Почеттино жамоасига ўтган эди.
"Премьер-лигадаги биринчи мавсумим яхши ўтмоқда, аммо мен хоҳлагандек эмас. Нима бўлганда ҳам, бу биринчи мавсум ва мен ҳақимда жуда кўп ёмон гаплар айтилган бўлса-да, мен жуда хурсандман. Менга футболни билмаган одамлар нима дейишлари қизиқ эмас" - деди Жексон Standard Sport нашрига.
Жексон Премьер-лигада 16 та ўйинда 7 та гол ва 1 голли узатмага эга. Ҳужумчи сариқ карточкалари кўп бўлгани учун битта ўйинни ўтказиб юборди.
