"Рома" бош мураббийи Жозе Моуриньо келажаги борасидаги фикрлари билан ўртоқлашди. Португалиялик мутахассиси ўзининг собиқ шогирди, аввалроқ "Челси"да ўйнаган Жон Оби Микел билан шу мавзуда суҳбатлашди.

"Мен "Рома"да бахтлиман, аммо шартномам тез орада тугайди. Мени олиб қолиш-қолмаслик ни раҳбарият ҳал қилади. Мен бор эътиборимни бугунга қаратганман ва унга бор кучимни бераман. Мен жуда яхши клубдаман, жуда яхши одамлар қуршовидаман. Менинг футболчиларим дунёнинг энг зўрлари эмас, лекин улар жуда яхши йигитлар ва футболчилар. Мухлислар ажойиб, шаҳар эса ажойиб. Шунинг учун мен бу ерда бахтлиман" - деди Моуриньо The Obi One Podcast билан суҳбатда.