"Челси" бош мураббийи Маурисио Почеттино раҳбариятдан шартномаси 2025 йилнинг ёзида якунига етадиган ярим ҳимоячи Конор Галлахер билан шартномани узайтиришни истамоқда.
"Ҳаммаси клуб ва футболчининг ўртасида ҳал бўлади. Мен учун кўп гапиришнинг маъноси йўқ, чунки мен қарор қабул қиладиган одам эмасман. Конор асосий таркиб футболчиси ва сардорлардан бири. Шахсан мен учун у клубга керакли футболчи. Галлахер академиядан асосий жамоага қадар бўлган йўлни босиб ўтган ва клубнинг қандайлигини билади. Конор жамоага жуда содиқ. Галлахернинг ўйин давомида қанчалик қаттиқ югуришини ва курашаётганини кўришингиз мумкин. Бутун мураббийлар штаби бизга шундай тоифадаги ўйинчилар керак деган фикрга қўшилади", - деди Почеттино.