"Chelsi" bosh murabbiyi Maurisio Pochettino rahbariyatdan shartnomasi 2025 yilning yozida yakuniga yetadigan yarim himoyachi Konor Gallaxer bilan shartnomani uzaytirishni istamoqda.
"Hammasi klub va futbolchining o‘rtasida hal bo‘ladi. Men uchun ko‘p gapirishning ma’nosi yo‘q, chunki men qaror qabul qiladigan odam emasman. Konor asosiy tarkib futbolchisi va sardorlardan biri. Shaxsan men uchun u klubga kerakli futbolchi. Gallaxer akademiyadan asosiy jamoaga qadar bo‘lgan yo‘lni bosib o‘tgan va klubning qandayligini biladi. Konor jamoaga juda sodiq. Gallaxerning o‘yin davomida qanchalik qattiq yugurishini va kurashayotganini ko‘rishingiz mumkin. Butun murabbiylar shtabi bizga shunday toifadagi o‘yinchilar kerak degan fikrga qo‘shiladi", - dedi Pochettino.