Мадриднинг "Реал" клуби бош мураббийи Карло Анчелотти жароҳатидан тикланишнинг сўнгги босқичида бўлган ўнг қанот ҳимоячиси Дан Карвахалнинг ҳолати ҳақида гапирди.
"Карвахаль тез орада машғулотларни бошлаши керак. "Алавес"га қарши кейинги ўйин? Дани унда иштирок этиши мумкин, аммо биз унинг соғлиғини хавф остига қўймоқчи эмасмиз", - деди Анчелотти матбуот анжуманида.
Катта эҳтимол билан Карвахаль январ ойида "Реал"нинг асосий таркибига қайтади. 21 декабрь куни бўлиб ўтадиган "Алавес" билан ўйин "Қироллик клуби" учун жорий календар йилидаги сўнггиси бўлади.
Жорий мавсумда Карвахаль Ла Лигада 13 та ўйин ўтказиб, 2 та гол ва 2 та голли узатмани амалга оширди.
