Madridning "Real" klubi bosh murabbiyi Karlo Anchelotti jarohatidan tiklanishning so‘nggi bosqichida bo‘lgan o‘ng qanot himoyachisi Dan Karvaxalning holati haqida gapirdi.
"Karvaxal tez orada mashg‘ulotlarni boshlashi kerak. "Alaves"ga qarshi keyingi o‘yin? Dani unda ishtirok etishi mumkin, ammo biz uning sog‘lig‘ini xavf ostiga qo‘ymoqchi emasmiz", - dedi Anchelotti matbuot anjumanida.
Katta ehtimol bilan Karvaxal yanvar oyida "Real"ning asosiy tarkibiga qaytadi. 21 dekabr kuni bo‘lib o‘tadigan "Alaves" bilan o‘yin "Qirollik klubi" uchun joriy kalendar yilidagi so‘nggisi bo‘ladi.
Joriy mavsumda Karvaxal La Ligada 13 ta o‘yin o‘tkazib, 2 ta gol va 2 ta golli uzatmani amalga oshirdi.
