"Ливерпуль" ярим ҳимоячиси Тьяго Алькантара Англия Премьер-лигасини тарк этиб, фаолиятини Туркия чемпионатида давом эттириши мумкин.

Todofichajes портали маълум қилишича, "Трабзонспор" 32 ёшли футболчини ўз сафига қўшиб олмоқчи. Тьяго ва "мерсисайдликлар" ўртасидаги амалдаги шартнома муддати келаси йилнинг ўрталаригача ҳисобланган. Алькантаранинг трансфер нархи 12 миллион еврога баҳоланмоқда.

Испаниялик футболчи Англия чемпионатининг жорий мавсумида бирорта ҳам ўйин ўтказмади. Ўтган Премьер-лигада ярим ҳимоячи 18 та ўйин ўтказиб, иккита сариқ карточка олди.