8 декабрь куни Ўзбекистонда расман қишки трансфер ойнаси очилди ва у 2024 йилнинг 24 февралига қадар давом этади.
"Суперлига ва Пролига регламенти”нинг 12.4-бандига кўра клуб қишки трансфер ойнаси давомида 10 нафар янги футболчини рўйхатдан ўтказиши мумкин. Ўтган мавсумни Пролигада ўтказган клублар сифатида Локомотив ва Динамо учун лимит 15 тани ташкил қилади. Шундан келиб чиқилса, Суперлига клуби 18-декабрга қадар янги футболчини лимитдан ташқари рўйхатдан ўтказиши мумкин эди. Бу имкониятдан Нефтчи, Сурхон ва Динамо клублари фаол фойдаланиб, ҳар бири 3 нафар янги футболчи билан меҳнат шартномаси имзолашга эришди. Шундан келиб чиқиб, улар трансфер ойнаси вақтида давом этадиган имкониятни тўлиқ сақлаб қолди.
"Нефтчи"
Шоҳруз Норхонов — 2024, декабр (Бухоро)
Санжар Қодирқулов — 2024, декабр (Локомотив)
Манучеҳр Сафаров — 2025, декабр (Локомотив)
"Сурхон"
Сарвар Абдуҳамидов — 2025, декабр (Металлург)
Улуғбек Ҳошимов — 2025, декабр (Нефтчи)
Нодирхон Неъматхонов — 2025, декабр (Нефтчи)
"Динамо"
Ҳумоюнмирзо Иминов — 2024, декабр (Бухоро)
Акбаржон Исматуллаев — 2024, декабр (Бунёдкор)
Анваржон Файзуллаев — 2025, декабр (Юниред).
Яна 5 та клуб бир нафар футболчини лимитдан ташқари рўйхатдан ўтказишга муваффақ бўлди.
"Насаф"
Бобур Каримов — 2026, декабр (Машъал)
ОКМК
Гиорги Папава — 2025, декабр (Гагра)
"Бунёдкор"
Рустамхон Азимов — 2025, декабр (Турон)
"Металлург"
Раҳимжон Давронов 2025, декабр (Турон)
"Қизилқум"
Жамолиддин Убайдуллаев — 2024, декабр (Бухоро).
Маълумот учун, мазкур футболчиларнинг барчаси ўзининг янги клубига эркин агент сифатида ўтди.
