Украина президенти Владимир Зеленский Токиода (Япония) бўлиб ўтган “Шахтёр” – “Ависпа Фукуока” (2:2) хайрия ўйини якунларини сарҳисоб қилди.
"Япониядаги ушбу махсус футбол учрашуви Украинанинг янгиланишини қўллаб-қувватлаш учун минглаб япон ва украиналик мухлисларни бирлаштирди. Украина ва Япония клублари ўртасидаги хайрия ўйини Украинани қайта қуришда қўллаб-қувватлаш учун маблағ йиғишга ёрдам берди.
Украина ва Японияни минглаб километр ажратиб туради. Аммо, масофа узоқ бўлишига қарамай, турли қитъадаги футболчилар ва мухлислар яхшилик қилиш истагида бирлашдилар.
Мен ноёб тикланиш тажрибасига эга бўлган Японияга, Бош вазир Кишиди Фумио ва унинг ҳукуматига, шунингдек, Япония парламенти ва бутун япон халқига Украинани ва умумий ишимизни қўллаб-қувватлагани учун миннатдорман”, — деб ёзди Зеленский ижтимоий тармоқлардаги саҳифасида.
