Туриннинг "Ювентус" клуби ҳужумчиси Матиас Суле фаолиятини Англия иккинчи дивизионида давом эттириши мумкин.
La Stampa нашри хабарига кўра, "Саутгемптон" аргентиналик форвард учун 30 миллион евро тўлашга тайёр.
Суле ҳозирда "Фрозиноне"да ижара асосида ўйнамоқда. "Ювентус" агар тўлиқ трансфер учун харидор топса, Матиаснинг "Фрозиноне"дан қайтариб олиш муаммоси бўлмайди.
Суле жорий мавсум Италия чемпионатида 6 та гол урди ва 1 та голли узатмани амалга оширди. Матиасга аввалроқ Англиянинг бошқа бир клуби - Премьер-лигада ўйнайдиган "Ньюкасл" ҳам қизиқиш билдирганди.
