"Бавария" бош мураббийи Томас Тухель ҳужумчи Харри Кейннинг кучли томонлари ҳақида гапирди.
Яқинда маълум бўлишича, англиялик футболчи ўтган ой давомида "Бавария"нинг энг яхши футболчиси деб тан олинганди.
Якшанба куни бўлиб ўтган Бундеслига доирасидаги “Штутгарт”га қарши ўйинда (3:0) форвард дубл қайд этди.
"Харри - бу Харри, дарвоза олдидаги ҳақиқий қўрқинчли қурол. У юқори даражадаги профессионал ва ажойиб йигит, буни у доимо исботлайди. Унинг масъулиятни ўз зиммасига олиши нормал ҳолат.
Бундай савиядаги футболчини ҳам жамоавий ўйинчи бўлишини камдан-кам учратиш мумкин. Шунинг учун биз ундан жуда миннатдормиз. Харри туғма етакчи", - дея Тухелдан иқтибос келтиради Bayern & Germany.
