«Суонси» клуби яримҳимоячиси Мичу клуб билан шартномасини 2016 йилга қадар ўзайтирди. Бу ҳақда клуб расмий сайти хабар тарқатди.
Манбанинг маълум қилишича, олдинги шартнома 2015 йилга қадар мўлжалланганди. Янги шартноманинг молиявий шартлари ҳозирча ошкор қилинмаяпти.
«Янги шартнома имзолаш учун жуда осон ва тез қарорга келдим. Мен «Суонси»да футболдан завқ олмоқдаман. Жамоа ҳали янада кучайиши ҳам мумкин. Менга шаҳар ҳам жамоа ҳам манзур бўлмоқда. Бу ерда ҳамма мен билан илиқ муносабатда бўлади», дейди Мичу шартномага қўл қўйгач.
Эслатиб ўтамиз, Мичу «Суонси»га 2012 йилнинг ёзида 2,2 миллион фунт стерлинг эвазига келиб қўшилганди. Англия премьер-лигасида 22 учрашувда 13 гол киритган Мичунинг бугунги трансфер нархи 20 миллион фунтдан ортиқроқ баҳоланмоқда.













