“Истанбулспор” президенти Экмел Фаик Сариалиоглу ҳакам қарорига норозилик сифатида “Трабзонспор”га қарши уй учрашувида жамоани майдондан ташқарига олиб чиқди. Истанбулда Туркия чемпионатининг 17-тур учрашувлари бўлиб ўтди.
Жанжалга учрашувнинг бош ҳаками Али Шансаланнинг жарима майдончаси ичида мезбонлар футболчисига нисбатан қўполлик қилинган бўлиши мумкин бўлган қоидабузарликни такроран қайта кўриб чиқмагани сабаб бўлган. Кейинги ҳужумда меҳмонлар гол уриб, олдинга чиқиб олишди.
Иккинчи бўлим ўрталарида ўйин тўхтатилди. Учрашув тўхтатилган вақтда "Трабзонспор" 2:1 ҳисобида олдинда бораётганди.
