Роттердамнинг "Фейеноорд" клуби марказий ҳужумчиси Сантьяго Хименес Англия Премьер-лигасининг бир қатор клублари қизиқишлари нишонига айланган. Бу ҳақда "Football Insider" журналистлари хабар бермоқда.
Манбанинг хабар беришича, тўртта клуб ҳужумчини ўз сафига қўшиб олмоқчи. Гап "Арсенал", "Челси", "Фулхэм" ва "Тоттенхэм" ҳақида кетмоқда. Нидерландия клуби агар улар ўз етакчисига камида 70 миллион евро таклиф қилсалар, уни сотиш вариантини кўриб чиқишга тайёр.
Жорий мавсумда Хименес барча турнирларда 21 та учрашувда иштирок этиб, 20 та гол ва 5 та голли узатмани амалга оширди.
