Rotterdamning "Feyenoord" klubi markaziy hujumchisi Santyago Ximenes Angliya Premyer-ligasining bir qator klublari qiziqishlari nishoniga aylangan. Bu haqda "Football Insider" jurnalistlari xabar bermoqda.
Manbaning xabar berishicha, to‘rtta klub hujumchini o‘z safiga qo‘shib olmoqchi. Gap "Arsenal", "Chelsi", "Fulxem" va "Tottenxem" haqida ketmoqda. Niderlandiya klubi agar ular o‘z yetakchisiga kamida 70 million yevro taklif qilsalar, uni sotish variantini ko‘rib chiqishga tayyor.
Joriy mavsumda Ximenes barcha turnirlarda 21 ta uchrashuvda ishtirok etib, 20 ta gol va 5 ta golli uzatmani amalga oshirdi.