"Челси" бош мураббийи Маурисио Почеттино "Ньюкасл"га қарши Лига кубоги 1/8 финалида марказий ҳимоячи Леви Колвиллни алмаштириши ҳақидаги қарорини тушунтирди.
Эслатиб ўтамиз, “кўклар” пенальтилар сериясида ғалаба қозониб, ярим финалга йўл олди.
"Мен Колвилни алмаштирдим, чунки биринчи бўлим охирида унинг чарчаганини ҳис қилдим. Биз кўпроқ ҳужумкор ўйинчини олиб чиқмоқчи эдик, у Мало Гюсто бўлиб чиқди", - деди Почеттино ўйиндан кейинги матбуот анжуманида.
Эслатиб ўтамиз, кеча "Мидлсбро" ва "Фулхэм" клублари ҳам Лига кубоги ярим финалига чиқди. Сўнгги ярим финалчи бугунги “Ливерпуль” – “Вест Хэм” ўйинида аниқланади.