"Манчестер Юнайтед" бош мураббийи Эрик тен Хаг қишки трансфер ойнасида таянч ярим ҳимоячи Каземиро ва марказий ҳимоячи Рафаэль Варан билан хайрлашмоқчи эмас. Журналист Роб Доусон хабарига кўра, нидерландиялик мутахассис "Реал"нинг собиқ футболчиларини ҳеч бўлмаганда мавсум охиригача ўз жамоасида қолдиришни истайди.
Эслатиб ўтамиз, аввалроқ Каземиро ва Варан мавсум ўрталарида "Манчестер Юнайтед"ни тарк этиши мумкинлиги хабар қилинганди, чунки улардан тен Хагнинг ҳафсаласи пир бўлганди. Бироқ манба бу маълумотни рад этмоқда.
Маълум қилинишича, Каземиро ва Варан ўйин вақтидан норози бўлгани учун трансферни мажбурлашса, "Манчестер Юнайтед" уларнинг ўрнига бошқа вариантлар топишга ҳаракат қилади.
