Қарши шахрида янги мавсумга ҳозирлик кўраётган Баҳодир Аннаматов бошчилигидаги “Насаф” ўринбосарлари кеча йиғин доирасидаги назорат учрашувида “Шўртан” ўринбосарларига қарши майдонга чиқишди.

“Насаф” футбол мактабига қарашли сунъий қопламали майдонда ўтказилган беллашувда Жавоҳир Ашуров томонидан киритилган ягона гол майдон эгаларига ғалаба келтирди.

Ўқув-йиғин машғулотлари доирасида Аннаматов шогирдлари илк назорат учрашувини Ғузорда “Шўртан” ўринбосарларига қарши ўтказиб, 0:1 ҳисобида имкониятни бой беришганди. Шунингдек, улар Қарши шаҳрининг “Олимпия” жамоаси билан голсиз дурангга имзо чекишди.

— Таркибимизда бир қатор маҳалли ёшлар кўрикдан ўтмоқда, — дейди жамоа мураббийи Б.Аннаматов. — 25 январдан бошлаб жамоамиз Қашқадарё вилояти ҳокими кубогида иштирокини бошлайди. Бу мусобақа ҳам мавсум олдидан ёшларимизнинг имкониятларини яна бир бор кўздан кечириб олишга имконият яратади.