Айни дамда Мадриднинг “Реал” клубида тўп тепаётган украиналик дарвозабон Андрей Лунинга Англия чемпионати клублари орасида талаб катта.
El Nacional хабарига кўра, дарвозабон билан Премьер-лиганинг икки вакили қизиқиш билдирмоқда. Гап Лондоннинг "Челси"си ва "Ньюкасл" ҳақида кетмоқда. Иккала номзод ҳам январь ойидаги трансфер ойнасида Андрей билан шартнома имзолашни истамоқда.
Жорий мавсумда Лунин "қироллик" клубида тўққизта ўйин ўтказди. Украиналик футболчининг "Реал" билан шартномаси 2025 йилнинг июнь ойи охиригача тузилган. Андрейнинг трансфер қиймати беш миллион еврога баҳоланмоқда.