“Челси” ҳимоячиси Рис Жеймс “Эвертон”га қарши кечган AПЛ ўйинида жароҳат олди. Лондон клуби ўз сардорининг жарроҳлик амалиётини ўтказиши керакми ёки йўқлиги бўйича ҳозирча бир қарорга келмаган, буни жамоа бош мураббийи Маурисио Почеттино ҳам тасдиқлаган.
Evening Standard хабарига кўра, "Челси" чоршанба куни Жеймсни қўшимча синовга жўнатган. "Аристократлар" лагерида улар футболчининг тикланиш режасини ишлаб чиқишдан олдин унинг аҳволи ҳақида кўпроқ маълумот олишни исташади.
Жароҳатлари туфайли Рис Жеймс жорий мавсумда бор йўғи 9та ўйинда майдонга тушди. Уларда “Челси” сардори битта голли узатмани амалга оширди.
