Мадриднинг “Реал” клуби президенти ва Европа Суперлигасини ташкил этиш ташаббускорларидан бири Флорентино Перес суд қарори ҳақида гапирди.
“Бугунги суд қароридан сўнг, катта тарихий аҳамиятга эга бўлган иккита хулоса чиқади. Биринчидан, Европа клублари футболи монополия эмас ва бундан кейин ҳам бўлмайди. Иккинчидан, бугундан бошлаб барча клублар ўз тақдирини ўзи назорат қилади", - дея Переснинг сўзларини келтиради Relevo.
Ҳозирда Суперлигада фақат "Реал Мадрид" ва "Барселона" иштирок этмоқда. Испания жамоаларини Чемпионлар лигаси, Европа турнирлари ёки ФИФА мусобақаларидан четлаб бўлмайди.
