Миланнинг “Интер” клуби “Брюгге” футболчиси Тэйджон Бьюкенен трансферини тез орада якунламоқчи.

"Нерадзуррилар" канадалик футболчини январь ойидаги асосий мақсад сифатида белгилашди - 24 ёшли футболчи жароҳати туфайли баҳорга қадар сафдан чиққан Хуан Куадрадони ўнг қанотда ўрнини тўлдириши керак. Инсайдер Жанлука Ди Марционинг сўзларига кўра, "Интер" ниҳоят Бьюкененни бозорда мавжуд бўлган энг яхши вариант деб топди. Милан гранди латерални 7-8 миллион еврога сотиб олишга умид қилмоқда.

Тэйджон 2022 йилдан бошлаб "Брюгге" шарафини ҳимоя қилиб келмоқда. У Бельгия жамоаси сафида 67 та ўйинда майдонга тушиб, 5 та гол ва 12 та голли узатмага муаллифлик қилган.