Конор Галлахернинг "Челси"даги келажаги ноаниқлигича қолмоқда. 23 ёшли англияликнинг амалдаги шартномаси бир ярим йилдан кейин тугайди ва шу кунгача кейинги ҳамкорлик борасида келишувга эришилмаган. Бундан ташқари, миш-мишларга кўра, "Челси" январь ойида ярим ҳимоячи бўйича трансфер таклифларини кўриб чиқишга тайёр.

Журналист Лиэлл Томаснинг ёзишича, “Тоттенхэм” вазиятни кузатиб бормоқда ва футболчини қишда сотиб олиш имкониятини жиддий кўриб чиқмоқда. Ўтган ёзда "Челси" тарбияланувчисига даъвогарлар орасида "шпорлар" номи қайд этилганди.

"Transfermarkt" маълумотларига кўра Конор Галлахернинг трансфер қиймати 42 миллион еврони ташкил қилади.