Konor Gallaxerning "Chelsi"dagi kelajagi noaniqligicha qolmoqda. 23 yoshli angliyalikning amaldagi shartnomasi bir yarim yildan keyin tugaydi va shu kungacha keyingi hamkorlik borasida kelishuvga erishilmagan. Bundan tashqari, mish-mishlarga ko‘ra, "Chelsi" yanvar oyida yarim himoyachi bo‘yicha transfer takliflarini ko‘rib chiqishga tayyor.
Jurnalist Liell Tomasning yozishicha, “Tottenxem” vaziyatni kuzatib bormoqda va futbolchini qishda sotib olish imkoniyatini jiddiy ko‘rib chiqmoqda. O‘tgan yozda "Chelsi" tarbiyalanuvchisiga da’vogarlar orasida "shporlar" nomi qayd etilgandi.
"Transfermarkt" ma’lumotlariga ko‘ra Konor Gallaxerning transfer qiymati 42 million yevroni tashkil qiladi.
