Бизнесмен Жим Рэтклиффнинг "Манчестер Юнайтед"нинг 25 фоиз акциясини сотиб олиши бўйича музокаралар якунига етди. Бу ҳақда инсайдер Мэтт Диккинсон хабар берди.
Манбага кўра, томонлар муваффақиятли келишувга эришган ва музокаралар жараёнида якуний нуқтага етган. Эндиликда миллиардернинг "манкунианликлар" клубидаги улуши Премьер-лига раҳбарияти ва бошқа назорат қилувчи органлар томонидан тасдиқланиши керак. Бу бир неча ҳафта давом этади.
"Манчестер Юнайтед" жорий мавсум Англия чемпионатининг биринчи ярмини муваффақиятсиз ўтказмоқда. "Манкунианликлар" 17 турдан кейин еттинчи ўринда бормоқда.
