"Навбаҳор"нинг сербиялик 28 ёшли тажрибали ҳимоячиси Лука Чермель жамоани тарк этди.

Сербиялик футболчи якунланган мавсумда “Навбаҳор” таркибида Ўзбекистон Суперлига баҳсларида 9 та ўйинда майдонга тушиб, 583 дақиқа тўп тепган бўлса, Ўзбекистон кубоги беллашувларида “лочинлар” таркибида 2 та баҳсда майдонда ҳаракат қилиб, 132 дақиқа ўйнади.

Осиё Чемпионлар лигаси гуруҳ баҳсларида эса 2 та ўйинда майдонга тушиб, 82 дақиқа тўп тепди.

"Биз Лука Чермелга “Навбаҳор”даги фаолияти учун клубимиз ва мухлислар номидан миннатдорчилик билдириб, янги жамоасида омад ёр бўлишини тилаймиз", - дейилади клуб баёнотида.