"Ювентус" Суперлига бўйича баёнот беришга шошилмаяпти.
Европа Иттифоқи суди Суперлига фойдасига қарор чиқарди ва ФИФА ва УЕФА позициясини “ҳокимият мавқеини суиистеъмол қилиш” деб атади.
Европанинг кўплаб етакчи клубларидан фарқли ўлароқ, "Ювентус" ҳали Суперлига бўйича расмий баёнот бермади ёки турнирнинг эҳтимолий ташкил этилиши бўйича ўз позициясини баён этмади.
Қайд этилишича, Турин клуби Суперлига атрофидаги вазиятни таҳлил қилиш ниятида. "Бьянконерилар" нейтрал позицияни эгаллаб, воқеалар ривожини кутишмоқда, деб хабар беради "Tuttosport".
2021 йилда “Ювентус” Суперлиганинг 12 та асосчи клубига қўшилди, аммо лойиҳани охиргилардан бўлиб тарк этди.
