"Манчестер Юнайтед" бош мураббийи Эрик тен Хаг қишки трансферларга муҳтож эмаслигини айтди. Нидерландиялик мутахассиснинг фикрича, жароҳат олган футболчилар тузалиб кетганидан кейин жамоа яхшироқ ўйнайди.
“Мен “Манчестер Юнайтед”нинг ҳозирги таркибидан мамнунман. Жароҳатланганлар аста-секин сафга қайтишмоқда ва бизда яхши ўйинчилар бор. Ишончим комилки, ҳамма тузалиб кетгач, жамоа бутунлай бошқача кўринишга эга бўлади”, деди Тен Хаг жума куни бўлиб ўтган матбуот анжуманида журналистларга.
23 декабрь, шанба куни “Манчестер Юнайтед” АПЛ доирасида “Вест Хэм”га қарши сафарда майдонга тушади.
